أستفسار عن تعديل هيخلى العربية تتكلم (شوفوا الأسعار كدة وقولوا رأيكم)
http://img534.imageshack.us/img534/7060/basmala1.gif أهم حاجة قولوا رأيكم فى التعديلات دى لأنى أنا إلى مقترحها + أية رأيكم فى الأسعار يعنى فيه حاجة مبالغ فيها أو هنتصدم فيها بعد كدة إنها هتغلى ولا لأ الموضوع ان فيه واحد أعرفة و لما شوفته الصبح شرحلى الموضوع كله وقالى انه عايز يعمل زى ماقولتله لأنى دايما بقترح عليهم حاجات فى التعديل و بوريهم صور معدله كتيرة و نزل سأل و كل واحد كان بيسأله كان بيديله كشف ورقة كدة فيها الأسعار و أنا نقلت الأسعار منه فى ورقة و جيت أقولكم كدة يتوكل على الله ولا يدور تانى ملحوظة : الأسعار كلها تقريبيه و دى الكلمة إلى كل واحد قاله عليها قاله هتبقى فى حدود كدة و أكيد كلمة فى حدود دى يعنى فيه أغلى حاجات بسيطة
التعديلات من برة
1- جنوط 14 صينى سعرهم فى حدود 800 جنيه
2- أكصدامات أماميه و خلفيه و عتب كلهم صاج بسعر 600 جنيه
3- وش جاكمان خارجى 80 جنيه (مش العلبه كلها طبعا دا الحته الصاج إلى برة دى) (منظرة يعنى)
4- مرايتين بتوع باب بـ150 جنيه (الفايبر دول)
5- تغيير فوانيس خلفيه بكريستال بـ200 جنيه (الراجل قاله أسمها باغة يتهئ لى)
6- أسبويلر بـ150 جنيه أو 200 جنيه (الصاج أو الفايبر) بس أنا برشحله الصاج بصراحه
7- رش العربيه 700 جنيه
السعر النهائى للتعديلات الخارجيه = 2730 جنيه لحد 3000 جنيه
بالنسبه للتعديلات من جوة العربيه نفسها
1- فرش الصالون جاهز فى حدود 250 جنيه
2- فرش الأبواب و السقف بـ250 جنيه (و كمان هيغير مساند الأيد عشان الأزاز الكهربا)
3- هيعمل الأربع أبواب أزاز كهربائى (فيه زراير للـ4 أبواب كل باب له زرار زى ماقترحت عليكم قبل كدة الراجل قاله ينفع و هيحطله 4 زراير فى التابلو) و طبعا مسند الأيد هيتحط فيه زراير الأزاز الكهربائى قاله كل دة هيتكلف منك بالمصنعيه يعنى 100 جنيه لكل باب يعنى 400 للأربع أبواب و الزراير فى التابلوه و المسند 100 جنيه كمان يعنى التكلفة 500 جنيه أو 600 جنيه
4- تابلوه فيكترا 550 جنيه
5- طارة أسبور 200 جنيه
5- ساوند سيستيم قاله ممكن يجيبله أستعمال حالته حلوة بـ1000 جنيه (كاسيت سى دى و جى أم و صب) مستعملين
7- شماسه دى فى دى بـ350 جنيه (بفلاشه + ميمورى + بتتوصل على السماعات)
8- مرايا إلى بتتحط بين الشماسه دى عشان تشوف إلى ورا بـ60 جنيه
9- لمبه فى السقف بيضة بتنور من زرار فيها + لما الأبواب تتفتح بـ60 جنيه
10- لوحه بتنور مع الموسيقى أو الأصوات العاليه و دى بتتركب فى السقف أو اى أى حته بـ100 جنيه
11- ستاير كبس بـ100 جنيه للأربع أبواب و الأزاز الخلفى
12- فتيس قصير بدل العملاق دة بـ50 جنيه (قاله أسمها عصاية جير)
13- رفايع كدة لزوم الدلع سلسله بجنط كدة فى المرايا إلى بين الشماستين بـ20 جنيه و غطى أسطوانات بـ40 جنيه
السعر النهائى للتعديلات الداخليه = 3630 جنيه لحد 4000 جنيه
يعنى العربية لما تبقى كامله من كل حاجة بالنسبه له هتكلفة فى حدود من 6360 جنيه إلى 7000 جنيه بالكتير جدا
و عمتا أية رأيكم فى الأسعار عاليه ولا معقولة ولا قليله ؟
و هل عندكم أقتراحات تانيه للتعديل ؟
و السلام عليكم و رحمة الله وبركاتة